BAAT MAKNU NATHOT.

Baat maknu nathot ei muthang lat nuame

Ngai/phaang pem ngam mak ke, hung thango akhou le

Baanphing damnu namaihwan le pon kanei thango alaang le.

Kaihung thango nakriang bile ating

Nalaa khwan sabi eile tra kai thang ne/de

Sui banui onglang napambi , ngaak thango

Arwei meiri le rwan na raidam dingo

Diga ongcham onglang akriang heile louthango

Toi lamnu bakaan le jathango

Ongcham nuden lungning basaang kahanne nating

Hantipnu nasung pitsok thango alaangle

Balaan sokke akriang nalaang jana, louthango baniam ga

Khatza to-ongnu asung nalaange.

Reinam paan Sanu den naman

Chem-kanan bi inbaopaan banamsanu den nang ngen ong,

Lampui thango eile hung ngen onglang

Zei thangne/de heiza nu akum nalaang.

Paan ongjo chwei lat maknu reikwat den.        

            ~M. Riamroi

THINGKALWANG KAINU

Thingkalwang kai hung na e, kama tuipui kombi sehung nuding baningsu lat ta.

Rammwan lan lamna baku teng sanu.
Thingkalwang kai thou rijo inmwan hung phaang ongbi.

Kama tuipui kadai sanu dan bakaan kabwak hunglat rijo, bakaan patso le bakaan babwa thingkalwang basuitip thou lat rijo.

Tataak tha lang le pikaro thangjo, inmwan kai karwan thou rijo, kaithou rijo.

Kamaga thoudam nu rwanle hungsui ongme.
Bani ding le kaipui thangjo kaithoula ongme.

Kathirwan lang innti lam kaikasut tabijo kathirwan sok kadou ongme bani ringkum ding baning ga thingkalwang sok kaipui thangga.

Karingrwan lang thoukai lat bijo,
Innlu lam kaikasut hunglat narwe, patso(nupa) bamunkhat la katangna tangaak kalwanglu bamunkhat.

Kai kasut thou lat ongrwe, kama tuipui kom bi kaikasut nudan patso pekna kamaga kai ngam thang rwe.

Kaninu kasut lat bijo katang le tangaak na ngam thang lat rwe.

Katang tangaakrwan na batheemrwan ding koulat ongme, hung thang latto-thingkalwang kaithoula ongme di.

     
      ~M. Riamroi