Kasanu Akhwang

Kasa ankhwang khwang ongme, bakaan noubi
Apu mumaknu pha ding kachiye diga bakaan riabi.
Innairwan ba bakaan nungsui thouloi tare, aninmi ja
Apu raan siaga, anin inlak bi danthangnu pha ja

Awa Pantong, Inchi, Bakuwa le apu pai tuong mangbo?
Anao Pungmon, Lwanzaang le apu meiri ngailang mangbo?
Basa banao rwanle mikphaap swak kachi onglang mangbo?
Lan lanu meiri tuonglang baning ong mangnu bo?

Kaniankaan theimaknu apu, inthempha daanlanro nasarwan ding le
Kasa ankhwang khwang ongbi inthou rijo anin inpui le
Innai thouhan mak angbi, apu inthem pha ding kachilan rijo
Batakning, bajekning, taswanning, anin le sesok rijo.

Kabaan ankhwang khwang ongbi ani bathai tuga lampak phaangrijo
Apu inthem-pha dingle banimsat ka, sesok nukaan, kale nukaan.

        ~M.roi