Bakaan um bi ani karo ongjo
Kokthang theiga sungcham ongjo.
Inswan lang ani hoi thang lanrijo
Ani kum ding bataiga lung ongjo.
Karen thangnu ga hung thou amrwe,
Talei chwan lang nang balumsa ongbo?
Rikhrwang meithaan bi ani katha chap lune.
Khatna khatlang kalumpui, kaithou kale,
Intia Karo dingbo Tambaan taswan ani hunglou kadou bi.
Phaang muga ngaisu ga ongme
Talei lun, misa lung, kasia nule,
Inthem chaakla ga raisok lune
Kasanu ding kachuithang kale lungjo.
Intun bakaan rwe, banai hungnu kaan,
Naosen ngakle bakaan henlune.
Patso nuna rithoi henmak e baanrwan
Balumsat lianga taswan hunglou rijo.
