Sunpha loi inkam hung narwe, thing bwa le sup hung narwe.
Taruraan kalang le khusa karon katam diow ongrwe.
Babom ripnu bakra le bakhaichan onge,
Lamhaang lampuihun bi bakamei barakka, bajak ongnu,
Bakatha phrat ka, bakamei temtwan ongnu murwe.
Hing ongnu bachu: ngounu, ba-ennu bapumbi.
Zwaang soklang phin thang basia e, baphei-ka-ta thou drwe.
Naosen doina baangse ye, babwa rwanna bakumme, patso na meiri tuwe.
Bajin ga chunthangnu louna-jaang kalat ta baom phanta nu thingraang na.
Zwaang thou darwe bwakaan ding kadou latlang phin phin phin.
Reibwachup thweibi kaithangnu kabu twang kalat thanga phin thoulat darwe.
Rwansa katui ding ka-ou lu kiswak ongrwe,
Baswan tuga ponphaat ongnu lian swakna rwe.
Anmu, ba-ak swan tuga katha kannat sokrwe, kachi-rouga louna chungbi na thaisaak bathan ongrwe.
Baswan natsokka banu bakaphin ding namsa satlu paang sok loi drwe.
Bakum nu basah, phaangsa nu bathot, ngaisanu bakhwan basalang na bakum katsok ka loithang drwe.
.........to be review & continue........
~M Riamroi
