RAIMAK DAMNU ARWEI MEIRI

  

    Baningsu we arwei meiri , raisok lanro di ongnu ashung na
Naraan meiri tei, khang meiri tei,

Nathai le saloi ngam mak baninglo kaphukpui thoukai latte.

Naosen meiri ding ponbasaange ta kalwang thouloi darwe abaanrwan dingle.

Aram thit dingle kahi thanglang mimaak kasang ong, nanam raan heirubo katak thanglang le mimaak.

Inlu inte, insung inmai inkamriak maak .

Aram tasuang nale jathang bada jongre diga katampi na pao ong, 

Nurwan nale basa ding rwan om dan kasut ong, balao tahiang ga.

Namnai rwanle suipon thanglang maakrwe inmongsia nukaan,kajingnu raan.

Heiba Nabit Bangei tasuang karo lanrwe.

Inphana Aram raanhou phalat langrua di sangmeinu doina taraan  ongnu le hansia ye.

Meirilui laalui, laamlui karaanlui baraan darwe.

Aram ngam, Aram takhuang le baraan hung nge.

Louthook khwa ding kachi ga hung nge, basa kapaisa dingle takhum loulat lang kachuithang kale ga lunghung.

Baning ga kachi-rou ga ei chap ong nge.

Bachansiat ding-- nang bajinrwan tuhungnu den kapaang thangnu akum, chat maknu mikthi luangga.

Insaangthou lang le mimaakka Ankhuang baram na kachan ongnu, inswan mikphaap maakka lunghung nge.............

Sok damnu meiri raithang lang le ngaithang lang le mimaakka, 

Kama Luiri le tuhung latlang maakka , kajingnu kum phung hung nge.......

Inswan inthou latlang kachi ga , inswan meiri raithang lang kachi ga.................

          to be continue......