Anu chwan le Ei

Anu chwan theithang mak ka sehunge, baom baluptui San thange alaang na diga, intia Lang Kariangnu kariang alaangna anu.
Sesok dingbi le Chong kasa kanoi, kalum thanga , inhan hungbi le intia Karo kadou thange.
Baom thaisun basa alaangna khaisok thange .
Anu kalum Katak thanglang ei batik chanumo chamaknumo? Anu kariang thunlat ngam dingmo ngam mak dingmo?.
Katwei sadingnu bing bi anuna lwatsat thanga, baom toga aom potrit donkthange.
Lungmuan sanu heiya anukhou na lousunuwe, Kariang heile anuna inmu daanthangnuwe.
Anu chwan eile suitanglang Pa nale kaluang thango.
Inswan soklat bile Anu alaang jonge, Anu riangrit ei loulwak ngam balai, intei Lang thuknu banna phunthange.
Anu narithoi nasa rwan Lang balaan thang ongba heiya nasarwan banim lat maklang kongkhap tuthango.
Nachongjei sanu, nachwan nguinu, nakriang thuknu nasa langle khuithang siawo.
Nasat khangna indao se ong dingo tuipui rammuan pamakka.
Bakuang kabaang Chang dingo anu Chong sanu, muilamnu banui nasa rwanlang na.
Anu kariang inswan ei Rai ongne, inswan ei tu ongne balaa ngui le. Se ongne Anu kehiak bijo.